Kandidati i Partisë Demokratike për bashkinë e Tiranës, Belind Këlliçi tha sot se fakti që Sali Berisha është shpallur non-grata për korrupsion nga SHBA nuk e cënon garën e opozitës më 14 maj.
I pyetur nëse Berisha duhet të largohet nga drejtimi i PD dhe nga politika nëse humb zgjedhjet, Këlliçi tha se “kjo është sanksionuar në statutin e PD dhe nuk është dëshirë e Belind Këlliçit. Kryetari i nënshtrohet votëbesimit”.
Ai pranoi se nuk ka ende një ekip dhe një program ekonomik.
Këlliçi pranoi se Ilir Alimehmeti nuk e ka pranuar ofertën për t’u bërë kandidat për nënkryetar bashkie në Tiranë.
Duke folur në “Çim Peka live”, kandidati i PD pranoi se kishte deklaruar se do të padiste tē hënën bashkinë për rrugën “Xhon Belushi”, por s’e kishte bërë sepse nuk kishte bërë dosjen gati.
